plus4
berî 1 saet
شەڕی لایەنەکان لەسەر وەزارەتە ئەمنی و خزمەتگوزارییەكان بەردەوامە
وادەی دەستووری بۆ پێکهێنانی کابینەی حکومەت بەرەو کۆتایی دەچێت، هۆشداریدەدرێت لەبارەی لێكەوتەكانی تەواوبوونی ماوەی دیاریکراو و کاریگەرییەکانی لەسەر سەقامگیریی سیاسی لەعێراق.
لەوبارەیەوە محەمەد سەعدی؛ ئەندامی چوارچێوەی هەماهەنگی ڕایگەیاند: چوارچێوەکە بەردەوامە لەهەنگاوەکانی تەواوكردنی کابینەی حکومەت بەر لەکۆتایی ماوەی دەستووری.
وتیشی: هەندێک وەزارەت بەتایبەت وەزارەتە ئەمنی و خزمەتگوزارییەكان، لەنێوان هێزە سیاسییەکاندا ناکۆکییان لەسەرەو لەئێستادا لەگفتوگۆدان بۆ یەکلاییکردنەوەیان.
دەشڵێت: بڕواناکرێت دوابخرێت، دوورنییە لەماوەی چەند ڕۆژی داهاتوو کابینەکە یەکلاییبکرێتەوە.
هەر لەوبارەیەوە پەرلەمانتار تالیب بەیزانی؛ دەڵێت: هێزە سیاسییەکان کاندیدەکانیان پێشکەشکردووە، لەگەڵ بوونی هەندێك ناکۆکی سەبارەت بە ژمارەیەک لەوەزارەتەكان.
پەرلەمانتار محەمەد ئەبولعەیس؛ لەوبارەیەوە هۆشداریدا لەتێپەڕاندنی وادەی دەستووری كە 30 ڕۆژە.
وتیشی: تێپەڕبوونی ئەو ماوەیە کاریگەریی نەرێنیی لەسەر سەقامگیریی سیاسی دەبێت.
