Plus4
berî 2 saet
مەسعود بارزانی داوا لەچوارچێوەی هەماهەنگی دەکات هەڵبژاردن دوابخات
مەسعود بارزانی؛ سەرۆکی پارتی دیموکراتی کوردستان، نامەیەک ئاراستەی چوارچێوەی هەماهەنگی دەکات تا هەڵبژاردن دوابخات.
لەنامەکەیدا بارزانی دەڵێت:
لەسۆنگەی پەرۆشی و هەستکردن بە بەرپرسیارێتی بەرامبەر گەلی عێراقمان و ئەو تەحەددییە چارەنووسسازانەی ئێستا ڕووبەڕووی بوونەتەوە، پێویستمان بەزمانی لێکتێگەیشتن و پابەندبوونە بە بنەماکانی دەستوور.
دەشڵێت: پێمانوایە بانگەشەی ئێستا بۆ دانیشتنی پەرلەمان بۆ هەڵبژاردنی سەرۆک کۆمارو سەرۆک وەزیران، پێویستی بەڕاوێژی زیاتر هەیە بۆ ڕەچاوکردنی مافی هەموو پێکهاتە سیاسییەکان بەپێی قەبارەی هەڵبژاردنیان.
بارزانی وتیشی: پارتی لەسەرەتاوە جەختی لەگرنگیی تێگەیشتنی لایەنەکان کردووەتەوە، بەڵام هەوڵدان بۆ سەپاندنی بابەتەکان یا پەلەکردن تێیاندا دەبێتە هۆی ئەنجامی پێچەوانەو دابەشبوونی قووڵتر کە وڵات لەم قۆناغە هەستیارەدا پێویستی پێی نییە.
ڕوونیشیکردەوە: پەرۆشی بۆ بەرژەوەندیی باڵای نیشتمانی، پێویستی بەگفتوگۆی زیاتر هەیە بۆ گەیشتن بەچارەسەری گونجاو.
