plus4
پێش ٢ کاتژمێر
وەزارەتی دارایی هەرێم: 120 ملیار دینارەکە ئامادەیە بەڵام جارێ ناینێرین
لێپرسراوێکی باڵای وەزارەتی دارایی حکومەتی هەرێمی کوردستان ڕایگەیاند: لەئێستادا 120 ملیار دینارەکە ئامادەیەو بەڵام تا وەزارەتی دارایی عێراق ئاگادارمان نەکاتەوە پارەکە نانێرین.
دەشڵێت: هەرچەندە تەمویلی مووچە ئامادەیە، بەڵام ئێمە 120 ملیار دینارەکە نانێرین.
ڕوونیشیدەکاتەوە: هەر کە ئاگادارکراینەوە پارەکە لەماوەی ٢٤ کاتژمێردا دەنێرین.
وتیشی: ئاماژەکان دڵخۆشکەر نین بەوەی کە لەم هەفتەیەشدا مووچە خەرجبکرێت.
پەرلەمانتار عەلی حەمەساڵح؛ ئاشکرایکرد: حکومەتی عێراق داوای 120 ملیار دینارەکەی کردووە، بەڵام هەرێم ناینێرێت، کەچی حکومەتی هەرێم دەڵێت: هێشتا بەغدا داوای پارەکەی نەکردووە.
