Plus4
پێش ٢ کاتژمێر
رێككەوتنەكەی ئەحمەد شەرع و مەزڵوم عەبدی
رێككەوتنەكە لە چواردە خاڵ پێكهاتووە و واژوی ئەحمەد شەرع وەك سەرۆكی سوریا و مەزڵوم عەبدی فەرماندەی هەسەدەی لەسەرە.
- راگرتنی شەڕی سەرتاسەری و خێرا لەهەموو ناوچەكان و كشانەوەی هەموو هێزەكانی هەسەدە بۆ ناوچەی رۆژهەڵاتی فورات.
- رادەستكردنی هەردوو پارێزگای دێرەزور و رەقە لەروی ئیدارەی و سەربازییە بۆ حكومەتی سوریا، حكومەتی دیمەشق دەستبەجێ فەرمانبەرانی ئێستا وەك فەرمانبەر دادەمەزرێنێت و پابەند دەبێت بە پاراستنی فەرمانبەرو چەكدارانی هەسەدە لەهەردوو شارەكە.
- هەموو دامەزراوە مەدەنییەكانی پارێزگای حەسەكە تێكەڵ بە دامەزراوەكانی وڵاتی سوریا دەبن لەروی هەیكەلییەتی ئیدارییەوە.
- حكومەتی سوریا هەموو داروازە سنورییەكان و كێڵگەكانی نەوت و غاز لەناوچەكە وەردەگرێت و لەلایەن هێزی سوریاوە دەپارێزرێت تاوەكو زەمانەتی گەڕانەوەی داهاتەكان بكرێت.
- هەموو چەكدارانی سەربازی و ئەمنی هەسەدە لەچوارچێوەی وەزارەتی بەرگری و ناوخۆی سوریا بەشێوەی ( تاك ) جێیان دەكرێتەوەو دوای وردبینی ئەمنی، پلەی سەربازی و شایستەیان پێدەدرێت لەگەڵ تایبمەندی بەناوچە كوردییەكان.
- فەرماندەیی هەسەدە پابەند دەبێت بەوەی هیچ كەسێكی رژێمی ئەسەد لەخۆی نەگرێت و داواكراوانیش رادست بكات.
- مەرسومی كۆماری بۆ دامەزراندنی كەسێك بۆ پارێزگاری حەسەكە دەردەچێت.
شاری كۆبانێ لە دیاردەی چەكداری و چەكی قورس پاكدەكرێتەوە، هێزێكی ئەمنی لەخەڵكی شارەكە پێكدەهێنرێت لگڵ پۆلیس خۆجێی كە سەر بە وەزارەتی ناوخۆی سوریا دەبن.
- ئیدارەی گرتوخانەو كەمپەكان لەروی ئەمنی و یاساییەوە رادەستی حكومەتی سوریا دەكرێت.
- هەسەدە لیستی فەرماندەكانی پێشكش دەكات تاوەكو پلەی سەربازی و ئەمنی و مەدەنی لەچوارچێوەی وڵاتدا وەرگبرن.
- پێشوازی لە مەرسومی كۆماری ژمار 13 بۆ ساڵی 2026 بكرێت كە مافەكانی كوردی تێدا نوسراوە.
- هەسەدە پابەند دەبێت بە دەركردنی هەموو فەرماندەو چەكدارانی پەكەكە لەریزەكانی و لەسنوری سوریا بچنە دەرەوە.
- سوریا پابەند دەبێت بەنەهێشتنی تیرۆر و لەگەڵ ئەمریكا هەماهەنگی هاوبەشی دەبێت.
