plus4
پێش 8 کاتژمێر
ئیدارەی خۆسەر: هەڤاڵە قارەمانەكانمان بەرزترین واتاكانی فیداكاری و قوربانیدانیان لەشێخ مەقسودو ئەشرەفییە نەخشاند تاهەتایە لەویژادن و هزری گەلەكەماكاندا بەزیندوویی دەمێننەوە
ئیدارەی خۆسەری باکوورو ڕۆژهەڵاتی سوریا، سەبارەت بەڕووداوەکانی گەڕەکی شێخ مەقسودو ئەشرەفییە لەبەیاننامەیەکدا ڕایگەیاند: هەڤاڵە قارەمانەكانمان بەرزترین واتاكانی فیداكاری و قوربانیدانیان لەشێخ مەقسودو ئەشرەفییە نەخشاند تاهەتایە لەویژادن و هزری گەلەكەماكاندا بەزیندوویی دەمێننەوە.
گەڕەکەکانی شێخ مەقسودو ئەشرەفییە کەوتنە بەر هێرشێکی سەربازی لەچوارچێوەی پلانێکی تورکیاو بەپاڵپشتیی بێدەنگی زلهێزە نێودەوڵەتی و ناوچەییەکان.
ئەم هێرشە ئەڵقەیەکی نوێيە لەزنجیرە کۆمەڵکوژییەكان كە دژی دانیشتووانی کەنارەکانی سوریاو خەڵکی پارێزگای سووەیدا ئەنجامدران.
ئەم هێرشە بۆ ماوەی شەش ڕۆژی لەسەریەک بەردەوامبوو، لەبنەڕەتدا هێرشێکی نێودەوڵەتی بوو بۆ سەر دوو گەڕەکی نیشتەجێبوون.
هەزاران ئەندامی گرووپە چەکدارەکان لەناویاندا ئەندامانی د11عـ.ـش بەشدارییان لەهێرشەکەدا کرد، لەبەرامبەر چەند سەد کارمەندێكی هێزەکانی ئاسایشی ناوخۆ.
شەڕێکی نایەکسان بوو لەهەموو ڕوویەکەوە، دووربوو لەبەها مرۆیی و ئەخلاقییەکان و یاسا دانپێدانراوەکانی جەنگ لەئاستی نێودەوڵەتیدا.
هەڤاڵانمان لەهێزەکانی ئاسایشی ناوخۆ بە بەرخۆدانێکی مێژوویی و قارەمانانە ڕووبەڕووی ئەم دەستدرێژییە بوونەوەو بەرگرییان لەخەڵکی سڤیل و گەلەکەمان لەهەردوو گەڕەکەکە کرد.
قارەمانەكانمان بەرزترین واتاكانی فیداكاری و قوربانیدانیان نەخشاند.
فەرماندە زیادو ئازاد، دڕەندەترین هێرشەکانیان شکاندو بەئیرادەیەکی پۆڵایینەوە سەرکردایەتیی بەرخودانیان کرد، تادەگاتە هەڤاڵانمان هاوار، دلبرین، ڤیان، فەرشین، ڕۆژبین و دەنیز، کە بەکردەوەی فیداکارییەکانیان بەرزترین پلەی پابەندبوونیان بە بەهاو دۆزی گەلەکەیان بەرجەستە دەکرد.
قوربانیدانەکانیان بۆ هەمیشە لەویژدان و هزری گەلەکەماندا بەنەمری دەمێنێتەوە.
دەستبەسەرداگرتنی ئەو دوو گەڕەکە لەلایەن گرووپە چەکدارەکان سەركەوتن نییە، بەڵکو خیانەت و تاوانێکی گەورەیە لەلایەن دەسەڵاتێکەوە کە بانگەشەی نوێنەرایەتیی دەوڵەت دەکات.
ئەمە دەسەڵاتێکە بانگەشەی پابەندبوون بەئیسلامەوە دەکات، کەچی بەپێچەوانەوە جەستەی مردوو دەشێوێنێت و سوكایەتی بەپێكهاتەكانی کۆمەڵگە دەكات.
هەر دەسەڵاتێک پشت بەدەوڵەتێکی تر ببەستێت بۆ چەوساندنەوەی گەلەکەی خۆی، شەرعییەتی خۆی لەدەستدەدات.
ئەو کۆمەڵکوژی و پێشێلکاری و سوکایەتییانەی بەرامبەر گەلەکەمان و شەهیدەکانمان دەکرێت بێ سزا ناڕوات و برینەکانیان لەویژدانماندا زیندوو دەمێننەوە، تا لێپرسینەوە لەگەڵ بەرپرسان دەکرێت.
داوا لەڕێکخراوە نێودەوڵەتی و مافی مرۆڤ دەکەین کە بەرپرسیارێتیی خۆیان لەئەستۆ بگرن و چاودێریی بارودۆخی مرۆیی و ئەمنی لەگەڕەکی شێخ مەقسودو ئەشرەفییە بکەن.
داوای جێگیرکردنی هێزێکی نێودەوڵەتی لەو دوو گەڕەکە دەکەین بۆ ڕێگریکردن لەتاوانی زیاتر.
بە لەبەرچاوگرتنی نەبوونی متمانە بەهێزە ئەمنییەکانی دەوڵەت، کە لەلایەن کەسانی خاوەن ئایدیۆلۆژیای تووندڕەوەو سەر بەداعشەوە سەرکردایەتی دەکرێن.
بەو پێیەی ئامانجی سەرەکیی ئەم هێرشە کاریگەریی گۆڕینی دیمۆگرافییە، ئێمە بانگەواز بۆ خەڵکی خۆڕاگری خۆمان دەكەین لەو دوو گەڕەکە لەماڵەکانیان بمێننەوە، داواش لەو کەسانە دەکەین کە ئاوارە بوون بگەڕێنەوە.
