plus4
پێش 8 کاتژمێر
ڕاگەیاندراوێکی گرنگ لە مەزڵوم عەبدی؛یەوە
مەزڵوم عەبدی؛ فەرماندەی گشتیی هێزەکانی سوریای دیموکرات، پەیامێکی گرنگی بڵاوکردەوەو ڕایگەیاند: گەیشتووینەتە ئاگربەست لێکتێگەیشتن.
بەنێوەندگیریی نێودەوڵەتی، بۆ ڕاگرتنی هێرش و پێشێلکارییەکانی سەر گەلەکەمان لەحەلەب، گەیشتووینەتە لێکتێگەیشتنێک کەدەبێتە هۆی ئاگربەست و سەلامەتیی برینداران، هاووڵاتیانی مەدەنی و ئەوانەی گیریان خواردووە.
ئەو شەڕڤانانەش کە لەگەڕەکەکانی ئەشرەفییەو شێخ مەقسوودەوە بەرەو باکوورو ڕۆژهەڵاتی سوریا بڕۆن.
پێویستە ناوبژیوانانی نێودەوڵەتی پابەندی بەڵێنەکانیان بن بۆ وەستاندنی پێشێلکارییەکان و کاربکەن بۆ گەڕانەوەی ئاوارەکان بەسەلامەتی بۆسەر ماڵ و حاڵی خۆیان.
بۆ تێکۆشەرانی بەرخودانی شێخ مەقسوودو ئەشرەفییەو شەهیدەکانیان و هەڤاڵانیان و بنەماڵەکانیان و خەڵکی سڤیل، وێڕای خەمباریمان، ڕێزو سەربەرزی و پێزانینی زۆری خۆمانیان پێشکەشدەکەین.
پرسەو سەرەخۆشی ئاراستەی خۆمان و کەسوکاری شەهیدان و گەلەکەمان بەگشتی دەکەین و نزای زوو چاکبوونەوەش بۆ برینداران دەکەین.
