plus4
پێش 13 کاتژمێر
🔻پەرلەمانی عێراق لەبارەی جێبەجێکردنی ( سیستمی هەوڵەکان ) راسپاردەیەکی ئاراستەی وەزارەتی پەروەردە کرد
ئەمڕۆ پەرلەمانی عێراق دەنگیدا لەسەر گەڕانەوەی سیستمی هەوڵەکان ( نظام المحاولات ) و وەک راسپاردە ئاراستەی وەزارەتی پەروەردەی کرد.
سیستمی هەوڵەکام یاخود ( هەڵگرتن )؛ سیستمێکی فێرکارییە و رێگا دەدات بە خوێندکار لەشەشی ئامادەیی و قۆناغەکانی دیکەش ئەگەر لەوانەیەک یا دووان دەرنەچوبێت؛ ساڵی داهاتوو تاقیکردنەوە تەنها لەو وانانەدا بکات و نمرەکانی لەوانەکانی دیکەش پارێزراو بێت.
تەنانەت ئەو خوێندکارە دەوامی قوتابخانەش ناکات جگە لەتاقیکردنەوەی ئەو وانانەی کە لێی دەرنەچوە.
هەر لەو راسپاردەیەدا داواکراوا بۆ ساڵی 2024-2025 کار بەسیستمی (تەحسین معدل) بکرێت.
لەدوای ناردنی راسپاردەکان؛ چاوەڕێی وەزارەتی پەروەردە دەکرێت لەو بارەیەوە رەزامەندی دەربڕێت و بڕیار دەربکات یاخود نا.
