Plus4
پێش 4 کاتژمێر
🔻سودانی بڕیاریدا پارەی بەڵێندەران لەتەواوی پارێزگاکان خەرج بکات
ئەمڕۆ محەمەد شیاع سودانی، سەرۆک وەزیرانی عێراق، سەرپەرشتی کۆبوونەوەیەکی کرد سەبارەت بە پابەندبوونە دارایی و گرێبەستییەکانی بەڵێندەران و تیێدا بریکاری وەزیری پلاندانان و سەرۆکی یەکێتی بەڵێندەران ئامادەیبوون.
لە کۆبوونەوەکەدا پێداچوونەوە کرا بە وردەکاری پابەندبوونە گرێبەستییەکان و بڕە پارەکانیان و ئەو بڕە پارانەی کەقەرزە لای حکومەت و بە بەڵێندەران نەدراوە لەسەرجەم وەزارەت و پارێزگاکان.
سودانی رێنمایی دا بەخەرجکردنی گوژمەیەکی نوێی پارە، بۆ پڕۆژە تەواوکراوەکان .
جەختیشی لە پابەندبوونی حکومەت کردەوە بە چاودێریکردنی پڕۆژەکان و قۆناغەکانی جێبەجێکردنیان و دڵنیابوون لە پێدانی شایستە داراییەکانی بەڵێندەران لەکاتی خۆیدا.
