Plus4
پێش ٢ کاتژمێر
وەزارەتی ناوخۆی عێراق بڕیارێکی گرنگ لەبارەی گرووپ و خێڵە چەکدارەکان دەدات
عەقید عەباس ئەلبەهادلی؛ وتەبێژی وەزارەتی ناوخۆی عێراق ڕایگەیاند: لەگەڵ دەسەڵاتی دادوەری بەردەوامین بۆ نەهێشتنی پێکدادانی خێڵەکی لەوڵات.
🔸 ململانێی خێڵەکی هەڕەشە لەئاسایش و ئاشتیی کۆمەڵایەتی دەكات.
🔸 دەزگا ئەمنییەكان کار لەسەر تێکشكاندنی تاوانی پێكدادانی خێڵەکیی دەكات.
🔸 بەپێی مادەی چوارەمی یاسای بەرەنگاربوونەوەی تیرۆر كار بۆ چارەسەری ململانێ و پێکدادانی خێڵەکی دەکرێت.
🔸 وەزارەتی ناوخۆ بەهیچ شێوەیەک ئەو ململانێیانە لەهیچ گرووپ و خێڵێک قبوڵ ناکات.
🔸 بوونی چەک لەدەرەوەی دەوڵەت بەهیچ شێوەیەک ڕێگەپێدراو نییە.
🔶 ئەم ململانێیانە ڕەفتارگەلی قبوڵنەکراون و ئاشتی و ئاسایش تێکدەدەن و لەگەڵ بەها شارستانییەکان ناتەبایە.
🔸 هێزە ئەمنییەکان بەهەماهەنگی تەواو لەگەڵ دەسەڵاتی دادوەری عێراق بەردەوام کاردەکەن بۆ بەدواداچوون بۆ ئەو کەسانەی دەستیان لەم ململانێیانەدا هەیە.
🔶 هەر کەسێک لەدۆسیەکانی ململانێی خێڵەکیدا دەستگیرکرابێت، ڕەوانەی دادگادەکرێت بۆ گرتنەبەری ڕێوشوێنی یاسایی پێویست.
🔸 وەزارەتی ناوخۆ پابەندە بەجێبەجێکردنی دەوڵەتی یاسا بەتووندی و بێ هیچ نەرمی نوواندنێک.
🔶 دەوڵەت لەهیچ بارودۆخێکدا ڕێگە بەبڵاوبوونەوەی چەک نادات لەدەرەوەی دامودەزگا فەرمییەکان.
🔸 دابونەریتی خێڵەکی ناتوانێت جێگرەوەی یاساکانی کارپێکراو بێت و ئەو ململانێیانە دەبێتە مەترسیی ڕاستەوخۆ بۆسەر ژیانی هاووڵاتیان و سەقامگیری کۆمەڵگە.
