Plus4
پێش 19 کاتژمێر
🔻وەزیری ناوخۆ هێزی ناردە سەر دوو عەشیرەتەکەی بەغدا و دەڵێت: بە چەپۆکی ئاسنین لێیاندەن
عەبدولئەمیر شمەری وەزیری ناوخۆی عێراق لەتۆڵەی شەهیدبونی دوو ئەفسەرەکەی پۆلیسی فیدراڵی لەناوچەی سەعادەی بەغدا، هێزێکی گەورەی ناردووەتە ناوچەکە بۆ سەر هەردوو عەشیرەتەکەو لەراگەیەندراوێکیشدا دەڵێت: ئەمشەو بە چەپۆکی ئاسنین لەو کەسانە دەدەین کە زاتی ئەوەیان کردووە هێرش بکەنە سەر هێزەکانمان لەکاتی ئەرکدا.
دەشڵێت: تا دەستگیرکردنی دووا تاوانباری ئەم ئاشوبی عەشائیری و چەکدارییە، ئۆپراسیۆنەکە بەردەوام دەبێت و تا دووا چرکەش نەرمی نواندن نییە.
وەزیری ناوخۆ ئەوەش دەخاتەڕوو کە ئەمشەو پێگەی دەوڵەت و ئاسا دەچەسپێنین، هەموو ئەو کەسانەی دەستیان هەبوە لەو دەستدرێژییە دەستگیردەکرێن و دەبنە پەند بۆ خەڵکانی تر.
ئەمشەو هێزێکی پۆلیسی فیدراڵی دەچنە ناوچەی سەعادە لەبەغدا بۆ راگرتنی شەڕێکی چەکداریی نێوان دوو عەشیرەت، بەڵام چەکدارەکان تەقەیان لێدەکەن و دوو ئەفسەر گیان لەدەستدەدەن و 5ی دیکەش بریندارن.
لەوەڵامی ئەو دەستدرێژیەشدا، تاوەکو ئێستا دوو چەکداری عەشایەر کوژراون و 5 بریندارن و 6یش دەستگیرکراون.
