Plus4
پێش ڕۆژێک
تەندروستیی جیهانی هۆشداریدەدات لەبەرزبوونەوەی ڕێژەی تووشبوون و مردووان بەکۆلێرا
ڕێکخراوەکە لەڕاپۆرتێکدا دەڵێت: لەڕۆژی 27 تا 30ی 7ی ئەمساڵ ، 67 هەزارو 705 حاڵەتی نوێی کۆلێراو سکچوونی تووند لە 18 وڵات تۆمارکراون.
دەشڵێت: بەراورد بەمانگی 6ی ئەمساڵ، ئامارەکە بەڕێژەی 2% زیادیکردووە.
ئاشکراشیدەکات: هەر لەو ماوەیەدا 624 حاڵەتی مردن بەهۆی کۆلێرا لەسەرانسەری جیهان تۆمارکراون کە بەراورد بەمانگی پێش خۆی، ژمارەی مردووان بەڕێژەی 14% زیادیانکردووە، بەڵام بەراورد بەمانگی 6ی ساڵی ڕابردوو، بەڕێژەی 43% زیادیانکردووە.
لەخۆرھەڵاتی دەریای ناوەڕاست زۆرترین ڕێژەی تووشبوون و مردن بەکۆلێرای تێدا تۆمارکراوە، ناوچەکان ئەفریقاو باشووری خۆرھەڵاتی ئاسیاو ئەمریکاش لەپلەی دووەمدان.
