ئاژانسی هەواڵی plus4
پێش ٢ مانگ
ریم بو قەمرە، خانمە پێشکەشکاری کەناڵی عەرەبییە کە بە کەسایەتی مەزڵوم کۆبانێ سەرسامە، لەحەسەکە دیمانەیەکی لەگەڵ ناوبراودا کردووە.
ریم لەپەیجی فەرمی خۆی، باسی دیارترین خاڵەکانی دیمانەکە دەکات و دەڵێت: مەزڵوم عەبدی پێی وتم لەگەڵ مەسعود بارزانی کۆبوەتەوە و داوای کردووە نێوەندگیرت بکات و فشار لەسەر تورکیا دروست بکات بۆ هێورکردنەوەی دۆخەکەو پەیامێکیشی ئاراستەی ئەردۆغان کردووە.
مەزڵوم باسی لەوەکردووە کاتێک لەگەڵ ئەحمەد شەرع کۆبوەتەوە، دەنگی تەقینەوەیەک نزیک لەشوێنەکە بیستراوە کاتێک پرسیوێتی ئەوە چییە؟ پێیان وتووە فڕۆکەی تورکیا بوە و حەشارگەیەکی د١١عشی بۆردوومان کردووە!
فەرماندەی هەسەدە لەو دیمانەیەدا وتووێتی: چەک دانانێن و هەسەدەش هەڵناوەشێننەوە تاوەکو دڵنیایی تەواویان دەدرێتێ.
مەزڵوم ئاماژەی بۆ ئەوەشکردووە کە بەڵگەی تەواوی پێشکەش دادگای بەلجیکا کردووەو داوای هاوکاری لێ کردوون بۆ تۆمارکردنی سکاڵا دژی تورکیا.
فەرماندەی هەسەدە رەتیکردووەتەوە، ئامانجیان جیابونەوە بێت و تەنها داوایان کردووە لەدەستووردا مافەکانی کورد بپارێزرێت.
