plus4
پێش 3 مانگ
چوار کاتژمێر پێش ئێستا ئەکاونتێک بەناوی "ئەحمەد شەرع" سەرۆکی هەیئەی تەحریر شام لەتۆڕی X پەیامێکی بڵاوکردووەتەوە و نوسیوێتی: لەپێناو یەکپارچەیی خاکی سوریاو سەپاندنی سەروەری دەوڵەت لەهەموو خاکەکەیدا، داوا لەئەندامانی هەسەدە دەکەم دەستبەجێ لەو گروپە جیاببنەوەو پەیوەندی بە فەرماندەیی سەربازییەوە بکەن.
ئەگەرچی ئەو ئەکاونتەی بەناوی ئەحمەد شەرعەوە تویتەکەی کردووە، لەلایەن تۆڕی کۆمەڵایەتی X متمانەپێکراوە، بەڵام پێشتر ناوبراو رایگەیاندبوو کە هیچ هەژمارێکی لەتۆڕە کۆمەڵایەتییەکان نییە.
هێشتا بەفەرمیش پەیامەکەی ناوبراو لەهیچ میدیایەکی نزیک لەخۆی پشتراست نەکراوەتەوە.
هەرچەندە "شەرع" زیاتر لەجارێکی تەئکیدیکردووەتەوە کە لەقۆناغی داهاتوودا هیچ گروپێکی چەکدار نابێت لەدەرەوەی دەسەڵاتی وەزارەتی بەرگری سوریادا بێت.
ئەمە لەکاتێکدایە تورکیا هێزێکی زۆری لەسەر سنوری کۆبانێ کۆکردووەتەوەو دەیەوێت لەرێگەی گروپەکانی ژێر دەستێوە پەلاماری شارەکەو تەواوی رۆژئاوا بدات.
ئێوارەی ئەمڕۆیش فەرماندەیی هەسەدە بەفەرمی رایگەیاند، تورکیا پیلانی هێرشکردن و داگیرکردنی شاری کۆبانێ و تەواوی خاکی سوریای هەیە.
