ئاژانسی هەواڵی plus4
پێش 3 مانگ
ئیبراهیم سمێدەعی؛ ڕاوێژكاری سودانی: چەندین جار داوامان لێكراوە گرووپە چەكدارەكانی عێراق هەڵبوەشێنینەوەو ئەمە دوایین جارە.
ئیبراهیم سمێدەعی؛ ڕاوێژكاری سەرۆك وەزیرانی عێراق دەڵێت: پێویستە لەسەر گرووپە چەكدارەكان خۆیان دەستپێشخەریبكەن بۆ هەڵوەشاندنەوەیان و هاتنە نێۆ دۆخی سیاسی.
ناوبراو وتیشی: تائێستا چەند جارێك داوا لەعێراق كراوە گروپە چەكدارەكانی عێراق هەڵبووەشێنێتەوە، گەر ئەمجار ئەوە نەكەین، ئەوا بەشێوازێكیتر بەسەرماندا دەسەپێنرێت و لەڕێگەی هێزەوە ئەو كارە دەكەن و دەیانكەنە ئامانج.
وتیشی: لێكگەیشتنی سیاسی لەگەڵ گروپە چەكدارەكان گەیشتووەتە قۆناغێكی پێشكەوتووە، جۆرێك لەوەڵامدانەوەیان هەیە، بەڵام ئەوەی داواكراوە هەڵوەشانەوەیە.
ئەمەش لەکاتێکدایە (ڕۆژنامەی العرب) بڵاویکردەوە: ئەمریكا داوای لەسودانی كردووە بەبڕیار ئەو گرووپانە هەڵبووەشێنێتەوە، بۆ ئەوەش ئەگەر هەیە سیستانی فەتوای هەڵوەشاندنەوەیان دەربكات.
