plus4
پێش 4 مانگ
ئاژانسی هەواڵی رۆیتەرز لەپێنج سەرچاوەی جیاوازەوە گواستوێتێوە کە ئە مریکاو ئیماڕات پرسی هەڵگرتنی سزا ئابورییەکانی سەر سوریایان تاوتوێکردووە بەمەرجێک حکومەتی دیمەشق پەیوەندییەکانی لەگەڵ تاران ببچڕێت ورێگەی گواستنەوەی چەکەکانی حزبوڵا بۆ لوبنان دابخات.
20ی ئەم مانگە سزاکانی ئەمریکا بۆ سەر سوریا کە بە ( یاسای قەیسەڕ ) ناسراوە کۆتایی دێت، ماوەی چەند مانگێکە ئیماڕات کەوتووەتە نێوەندگیری نێوان سوریاو ئەمریکا تاوەکو سزاکان درێژ نەکرێتەوە.
گفتووگۆکان پێش هێرشی چەتەکانی هەیئەی تەحریر شام بۆ سەر حەلەب رویداوە. رۆیتەرز دەڵێت: پێشڕەوی گروپە چەکدارەکان ئاماژەیەکی روونە بۆ لاوازبونی هاوپەیمانێتییەکەی دیمەشق و تاران کە دەستپێشخەرییەکەی ئیماڕات و ئەمریکا دەیەوێت بیقۆزێتەوە.
بەڵام ئەگەر بەشار ئەسەد پاڵپشتیی ئێران بۆ هێرشی پێچەوانە قبوڵ بکات ئەوە هەنگاوەکانی دوورخستنەوەی سوریا لە ئێران قورس دەکات. ئیماڕات دەیەوێت لەرێگەی کەمکردنەوەی سزا ئابورییەکانی ئەمریکا، لەپرۆسەی ئاوەدانکردنەوەی سوریا بەشداربێت.
هەڵوێستی ئەسەد بەرانبەر شەڕی دوایی حزبوڶا و ئیسرائیل و گفتووگۆکان کە بۆ دوورخستنەوەی سوریا لەئێران هەیە هۆکارن بۆ ئەوەی حزبوڵا تائێستا ئامادە نییە هێز بۆ پاڵپشتی دیمەشق رەوانە بکات.
