ئاژانسی هەواڵی plus4
پێش ٢ هەفتە
دوای وەرگرتنی بڕیاری دادوەر، هێزە ئەمنییەکانی کەرکوک سێ مامۆستای گرێبەست و شۆفێرێکیان دەستگیرکرد کە لەگردبوونەوەکەی ئەمڕۆی بەردەم باڵەخانەی پارێزگا، تووندوتیژییان ئەنجامداو بەهۆیەوە خەڵک برینداربوون.
سەرچاوەیەکی تایبەت بە plus4ی ڕاگەیاند: دەستگیرکراوەکان ڕادەستی بنکەی پۆلیسی میقداد کراون و ڕێوشوێنی یاسایی لەدژیان دەگیرێتەبەر.
لەگرتەیەکی ڤیدیۆییدا کە مامۆستایانی گرێبەست ڕێگەی سەرەکی کەرکوک - بەغدایان داخستووە، هێرش دەکەنە سەر ئۆتۆمبێلی شۆفێرێکی بەساڵاچوو، جامەکەی دەشکێنن و دواتر دەموچاوی شۆفێرەکەش بەسەختی بریندار دەکەن، لەسەر ئەو هێرشەش سێ مامۆستا دەستگیرکراون.
لەگرتەیەکی تریشدا شۆفێرێک کە ئامادەی ڕاوەستان نابێت، ئازار بەمامۆستایەک دەگەیەنێت، بەو هۆیەوە ئێستا شۆفێرەکە دەستگیرکراوە.
