plus4
پێش مانگێک
لەپارێزگای بەغداد دەستکراوە بە رادەستکردنی دۆسێی موەلیدە ئەهلییەکان بە کۆمپانیایەکی گەورەی ئەهلی کە سەرپەرشتی تەواوی دۆسێکە دەکات لەڕووی نرخی ئەمپێرو کاتی کارپێکردنەوە.
سەفا مەشهەدانی سەرۆکی لیژنەی نەوت و غازی ئەنجومەنی پارێزگای بەغداد بەرۆژنامەی سەباحی راگەیاندووە، دۆسێی مولیدە ئەهلییەکان گەندەڵییەکی زۆری تێدا دەکرێت، بۆیە دەستیانکردووە بەخەسخەسەکردنی و رادەستکردنی تەواوی دۆسێکە بە کۆمپانیایەکی گەورە تاسەرپەرشتی بکات.
وتیشی یەکێک لە کارەکانی کۆمپانیاکە هەگرتنی تەواوی ئەو موەلیدانەیە کە ئێستا بەگەڕەک و بازاڕەکاندا بڵاوبوتەوە، پاشان دانانی مولیدەی قەبارە گەورە بەشێوەیەکی سستماتیک و گونجاو.
ئەوەشی خستوەتەڕوو، لەحکومەتە یەک لەدوای یەکەکانی بەغداد ، هەوڵی زۆر دراوە بۆ کۆتایی هێنان بەگەندەڵی لەدۆسێی مولیدە ئەهلییەکان، بەڵام بەهۆی تێوەگلانی بەرپرسی یەکه ئیدارییەکان لەو گەندەڵیانەو دەست تێکەڵکردن لەگەل بەڵێندەرانی مولیدەکان نەتوانراوە گەندەڵییەکە بنبڕبکرێت.
لەکەرکوک و لەسەردەمی ئیدارەی پێشووش ، مانگانە نرخی ئەمپێری مولیدە ئەهلییەکان زۆر برزبوو ئەمەش بارگرانییەکی گەورەبوو بۆ سەر شانی هاوڵاتیان، بەڵام لەئێستادا بەهەوڵی رێبوار تەها پارێزگاری کەرکوک نرخی ئەمپێر بەراورد بەسەردەمی ئیدارەی پێشوو کەمترە.
