ئاژانسی هەواڵی plus4
پێش مانگێک
ماڵپەڕی ئارم نیوز لەزاری سەرچاوەیەكی ئەمنیی حزبوڵا، زانیاری نوێی لەبارەی خەرقكردنی بزوتنەوەكە بڵاوكردووەتەوە كە تێچوەكەی 7 ملیۆن دۆلار بوە.
سەرچاوەكە دەڵێت، بەدرێژایی ساڵانێكی زۆر بەرپرسی تۆڕی پەیوەندییەكانی حيزبوڵا سیخوڕی ئیسرائیل بوە و رۆڵێكی گەورەی لەگرتنەبەری رێوشوێن و بڕیارەكانی نێو حزبوڵا بینیوە، بۆ نمونە ئەو بەرپرسە وایكردووە حزبوڵا لەمۆبایل دووربكەوێتەوەو روو لەئامێری پەیجەر بكات، كە دەرەنجام حزبوڵای دووچاری گەورەترین زیان كرد.
سەرچاوەكە دەڵێت، تاوەكو سیخوڕەكە ئاشكرابوو، ناوبراو بەرەو ئیسرائیل هەڵات، كاتێك هەڵكوترایە سەر ماڵەكەی 7 ملیۆن دۆلار لەماڵەكەیدا بوو، ژمارەیەك یاریدەدەر و هونەری لەرەگەزنامە جیاوازەكانی لەگەڵدا بوو، كە ئەمانە دەستكەوتی گەورەبوو بۆ ئیسرائیل.
بەپێی وتەی سەرچاوەكە، ئەوەی لەدوو هەفتەی رابردوو ئیسرائیل ئەنجامیداوە، بەرێككەوت نەبووە، بەڵكو دەرەنجامی هەوڵێكی گەورەی هەواڵگری بوە بە پشتیوانی تەكنیكێكی نێودەوڵەتی.
