plus4
پێش ٢ مانگ
خێزانێكی سێ كەسی بەكوژراوی دۆزرانەوە
هێزە ئەمنییەكانی پارێزگای سەڵاحەدین پەردەیان لەسەر تاوانی كوشتنی تەواوی خێزانێك هەڵدایەوە كە لە باوك و دایك و كوڕێك پێكهاتوون.
روداوەكە لەگەڕەكی عەسڕی قەزای بێجی رویداوە، بەپێی لێكۆڵینەوە سەرەتاییەكان، دوای كوشتنیان، ئاگر لەخانوەكە بەردراوە و سوتێندراون.
سەرچاوە ئەمنییەكان ئاشكرایان كردووە كە خێزانەكە بەبنەچە خەڵكی قەزاكەن و تائێستا هیچ كێشەو دووژمنایەتییەكیان نەبووە.
تاوەكو ئێستا بۆ پۆلیسی پارێزگاكە یەكلانەبوەتەوە كە تاوانەكە تیرۆرستی بووە یا تاوانكاری و لێكۆڵینەوەی ورد دەستیپێكردووەو فەرماندە ئەمنییەكانی بەغداش لەسەر هێڵن بۆ ئاشكراكردنی وردەكارییەكانی تاوانەكە.
