plus4
پێش ٢ مانگ
زانیاری لەبارەی دۆزینەوەی ئۆتۆمبێلە دزراوەكەی شۆرجە
دوای ئەوەی هێزە ئەمنییەكان لەهەموو دەروازەكانی كەركوك رێوشوێنی تووندیان گرتەبەر، ئۆتۆمبێلە دزراوەكەی گەڕەكی شۆرجە دۆزرایەوە.
سەرچاوەیەك لەپۆلیسی كەركوك رایگەیاند: دوای ئاگاداركردنەوەمان لەدزرانی ئۆتۆمبێلێكی جۆری سەنی لەگەڕەكی شۆرجە، دەستبەجێ لەهەموو دەروازەكان رێوشوێنی تووند گیرایەبەر و مەفرەزەكانی پۆلیس هیچ دەرچەیەكیان بۆ دەركردنە دەرەوەی ئۆتۆمبێلەكە نەهێشتەوە، كە دزەكانی ناچاركرد ئۆتۆمبێلەكە لەنزیك گۆرستانەكەی پەنجاعەلی بەجێبهێڵن و هەڵبێن.
وتیشی، لێكۆڵینەوەو بەدواداچون بۆ دۆزینەوەی دزەكان بەردەوامە.
دوو شەو پێش ئێستا، لەبەرانبەر قوتابخانەی نێرگزی كچان، ئۆتۆمبێلێكی جۆری سەنی دزرا كە شۆفێرەكەی سەرقاڵی یاری تۆپی پێ بوو، یەكەمجار پڵەس4 زانیارییەكانی و جۆری ئۆتۆمبێلەكەی بڵاوكردەوەو پۆلیسی كەركوك هاتە سەر خەت و رێوشوێنەكان گیرانەبەر.
