ئاژانسی هەواڵی plus4
پێش ٢ مانگ
رێبوار تەها پارێزگاری کەرکوک لەمیانەی بەدواداچوونەکانیدا بۆ کاری دامودەزگا فەرمی و خزمەتگوزارییەکان رایگەیاند، ئیدارەی کەرکوک خانووی هیچ هاوڵاتییەکی کەرکوک ناڕوخێنێت، بەڵکو ڕێوشوێن دەگرنەبەر بۆ بەئامانجگرتنی دەڵاڵ و دزەکان ، ئەوانەی دەست بەسەر دۆنمی زەویدا دەگرن و پارچەپارچەی دەکەن بۆ فرۆشتنەوەی و تێوەگلانی هاوڵاتیانی هەژارو کەم دەرامەت .
دووپاتیشیکردەوە ، ڕێگە نادەین دەڵاڵی زەوی و مافیاکان سامانی گشتی بۆ بەرژەوەنی خۆیان بەکاربهێنن
ئەوەشی خستەڕوو، ڕێنماییان داوەتە فەرماندەیی پۆلیسی کەرکوک و لیژنە پەیوەندیدارەکانیشیان ئاگادار کردوەتەوە بەمەبەستی گرتنەبەری ڕێوشوێنی یاسایی دژی ئەو باندانەی زەوی وزاری دەوڵەت بۆ بەرژەوەندی خۆیان بەکاردەهێنن و چیتر بێدەنگ نابن بەرامبەر ئەو نەفس نزمانەی کە زەوییان دابڕیوە بۆ ئەوەی نەکرێتە پڕۆژەی خزمەتگوزاری نوێ و قوتابخانەو بنکەی تەندروستی لە کەرکوک.
