plus4
پێش 3 مانگ
دەستەی دەستپاکی فیدراڵی بڵاویکردەوە: گەندەڵییەکی گەورە لەگرێبەستەکانی فەرمانگەی تەندروستیی کەرکوک ئاشکرا بووە کە تێچووەکەی نزیکەی نیو ملیۆن دۆلارە.
گەندەڵییەکان لەو گرێبەستانە ئەنجامدراون کە بۆ دابینکردنی ئامێری پزیشکی ئەنجامدراون، دەستەی دەستپاکی دەڵێت: تەندروستی کەرکوک بۆ دابینکردنی 10 ئامێری تایبەت بەنەشتەرگەری و نازور، گرێبەستێکی بەبڕی 287ملیۆن و 500 هەزار دینار ئەنجامداوە لەکاتێکدا ئامێرەکان خراپترین کوالێتیان هەیە.
رونشیکردووەتەوە کە گرێبەستێکی دیکە بەبڕی 63 ملیۆن دینار بەپێچەوانەی رێنماییەکان کراوە و بەبێ پلانیش ئەنجامدراوە، هەروەک بەبڕی 88 ملیۆن دینار ئامێری کیمیا لەنوسینگەیەک کڕدراوە لەکاتێکدا لیژنەی راوێژکاری رایسپاردوون لەکۆمپانیایەکی دیکە بیکڕن.
لەکەرتی تەندروستی حەویجە، گەندەڵی سەیروسەمەرە ئەنجامدراوە و دەستکاری پسوڵەی کڕینی پێداویستی پزیشکی کراوە، 7 هەزارو 900 پارچەی پزیشکی کراوەتە 79 هەزار پارچە.
