plus4
پێش 3 مانگ
وەزارەتی سەرچاوە ئاوییەکانی عێراق ڕایگەیاند، تائێستا زیاتر لە 700 حەوزی ماسی زیادەڕۆیان لە کەرکووک پڕکردوەتەوە.
وەزارەتەکە لەڕاگەیاندراوێکدا ئاشکرایکردووە ، 707 حەوزی ماسی زیادەڕۆ لەپارێزگای کەرکوک، لەسەرەتای دەستپێکردنی هەڵمەتی لابردنی حەوەزە ماسییەکانەوە رووخێندراون.
لەڕاگەیەندراوەکە هاتووە، هەڵمەتەکە بۆ ڕووخاندنی 531 حەوزی زیادەڕۆی ماسی بووە کە زیادەڕۆییان کردووەتە سەر ئاوی سەرزەوی لەگەڵ 171 حەوزی تریش کە بەهەمان شێوە زیادەڕۆییان کردووەتە سەر ئاوی ژێرزەوی لەپارێزگای کەرکوک.
جەختیشیکردەوە کە هەڵمەتەکە کۆتایی نەهاتووە، تا ئەوکاتەی سەرجەم ئەو حەوزانەی بەشێوەی زیادەڕۆ دروستکراون لادەبرێن.
