plus4
پێش 4 مانگ
حەسەن شێخانی، سەرۆکی فراکسیۆنی پارتی لەئەنجومەنی پارێزگای کەرکوک بەمیدیای فەرمیی حزبەکەی ڕاگەیاند: دوای خانەنشینبوونی بەڕێوەبەری پۆلیسی کەرکوک، پارێزگاری کەرکوکیش خانەنشین دەبێت، بەم نزیکانەش کۆبوونەوەی ئەنجومەن ئەنجامدەدرێت و شەرعیەت بەئەنجومەنەکە دەدرێت، بۆ ئەوەش کۆدەنگی لەنێوان لایەنەکاندا هەیە.
حەسەن شێخانی وتیشی: لەئێستادا بەڕێوەبەری پۆلیسی کەرکوک کە کوردە خانەنشین بووەو جێگرەکەی عەرەبەو لەشوێنی دانراوە، بۆیە پێویستە کوردێک شوێنی بگرێتەوە، چوونکە ئەو پۆستە پشکی کوردە، بۆیە پێویستە کوردێک پۆستەکە وەربگرێت.
جەختیشێکردەوە: پێویستە بەمزووانە کۆبوونەوە ئەنجامبدەین، چوونکە پارێزگاری کەرکوک خانەنشین دەکرێت و پێویستە پارێزگارێکی نوێ لەشوێنی دابنرێت، بۆیە پێویستە دوای ٣٠ ڕۆژ لەئەنجامدانی یەکەم کۆبوونەوە، پارێزگارێک بۆ کەرکوک هەڵبژێرین.
