plus4
پێش 4 مانگ
بورهان عەلی سەرۆكی یەكێتیی پیاوانی كوردستان ڕایگەیاند: بەپێی ئاماری لیژنەی تۆماركردن و كەیسەكان لەكەیسەكانی یەكێتیی پیاوانی كوردستان، لەماوەی پێنج مانگی سەرەتای ئەمساڵدا، 281 سكاڵای جیاواز بەهۆی ئەنجامدانی توندوتیژییەوە دژی پیاوان لەسەرجەم لق و ناوچەكانی یەكێتیی پیاوان تۆماركراون.
بورهان عەلی ئاشكرایدەكات: بەهۆی توندوتیژی دژ بەپیاوانەوە، 27 حاڵەتی خۆكوشتنی پیاوان لەماوەی پێنج مانگی ڕابردوو تۆماركراون و 8 حاڵەتی تری تری كوشتنی پیاوانیش بەهۆی كێشەی خێزانییەوە ڕوویانداوە.
سەرۆكی یەكێتیی پیاوانی كوردستان دەشڵێت: بەراورد بەساڵانی ڕابردوو، ئامارەكە هیچ كەمی نەكردووە، بەڵام ڕێژەكەیشی زۆر زیادی نەكردووە، بەردەوامیی كێشە خێزانییەكان لەكۆمەڵگەی كوردیش بەهۆكاری بەرزیی ئاستی ڕێژەی كێشەو توندوتیژییەكان دەزانێت.
