plus4
پێش 5 مانگ
محمد امین نوێنەری جوتیارانی کەرکوک بە plus4ی راگەیاند: رۆژی 13ی ئایاری 2024 لە کۆبوونەوەی لێژنەی باڵای جێبەجێکردنی مادەی (١٤٠) بڕیار دراوە هەموو گرێبەستە کشتوکاڵیەکانی عەرەبە هاوردەکان کە بە پێی (بڕیارەکانی لێژنەی کاروباری باکوور) ئەنجام دراوە هەڵبوەشێتەوە.
وتیشی، رۆژی 22ی ئایاری 2024 ئەم بڕیارە بەنووسراوی ژمارە (٨١٥) لە لێژنەی باڵای جێبەجێکردنی مادەی (١٤٠) دەرچووە.
لە خاڵی دووەمی نووسراوەکە ئاماژە بەوە کراوە کە پێوستە دەستبەجێ گرێبەستی نوێی کشتوکاڵی بۆ خاوەنە ڕەسەنەکانیان ئەنجام بدرێت.
نوێنەری جوتیارانی کەرکوک دەڵێت: ئەم بڕیارە زۆر گرنگە و ئەگەر وەک خۆی جێبەجێ بکرێت نزیکەی 90% سەرجەم گرێبەستە کشتوکاڵی عەرەبەکان هەڵدەوەشێتەوە.
