plus4
پێش ٢ ساڵ
ئەمشەو یەکشەممە، ژمارەیەکی زۆر لەپێشمەرگەکانی لیوای 20ی پێشمەرگە لەدامێنی قەڵای کەرکوک گردبونەوەو لەرێگەی plus4وە داوایەکیان ئاراستەی هەردوو حکومەتی عێراق و هەرێمی کوردستان کرد.
لیوای 20ی پێشمەرگە، سێ هەزارو 700 پێشمەرگەی هەیە و ماوەی سێ مانگە گواستراونەتە سەر وەزارەتی بەرگری عێراق بەمەبەستی پێکهێنانی دوو لیوای هاوبەش بۆ پاراستنی کەرکوک و ناوچە جێناکۆکەکان بەڵام وەزارەتی بەرگری بەبیانوی ئەوەی چاوەڕێی وەزارەتی داراییە بۆ دابینکردنی راژەکانیان کاری پێکهێنانی دوو لیواکەی راگرتووە.
پێشمەرگەکان بە plus4یان وت: زیاتر لەسێ مانگە چاوەڕێن و هیچ موچەیەکیان نیە، تەنانەت وەزارەتی پێشمەرگە موچەیان بڕیوە بەو پێیەی وتوێتی راژەتان لای ئێمە نەماوە.
ئەوان داوا لەپەرلەمانتارانی کەرکوک و نەینەوا و سەڵاحەدین دەکەن بەدەم بانگەوازەکەیانەوە بچن و چارەنوسیان یەکلاکەنەوە.
