ئاژانسی هەواڵی plus4
پێش ساڵێک
ئەمشەو لەگەڕەکی بەدری شاری کەرکوک بەهۆی شەڕی دوو ماڵە دراوسێ لەسەر جۆگەی ئاوەڕۆی نێو کۆڵانەکەیان، کەسێک کوژرا.
سەرچاوەیەک لەبنکەی پۆلیسی تسعین تایبەت بە plus4ی راگەیاند: لەگەڕەکی بەدر لەسەر ئاوەڕۆی نێو کۆڵان، شەڕ و دەمەقاڵێ لەنێوان دوو ماڵە دراوسێ رویداوە.
وتیشی، کەسێک لە لایەنێکی شەڕەکە پاڵێکی بە لایەنی دووەمەوە ناوە، بەهۆیەوە کەوتووەو گیانی لەدەستداوە.
ئەو سەرچاوەیە رونیکردەوە کە تۆمەتبارەکە خەڵکی بەغدایە و بەمیوانی لەماڵی خوشکەکەی بوە و دوای روداوەکەش هەڵاتووە.
ئاژانسی هەواڵی plus4 ئەوەی زانیوە کە قوربانییەکە ناوی ( بەرزان یوسف )ـــە و تەمەنی 51 ساڵە و پیشەی کاسب بوە.
