plus4
پێش 8 مانگ
سەبارەت بەلابردنی شوورای چەند گەراجێکی گەڕەکی پەنجا عەلی ئەم ڕونکردنەوەیە بۆ ڕای گشتی ڕادەگەیەنین :
بەپێی نوسراوێک، پارچە زەوی ژمارە 1031م/1 رجێبات لەلایەن وەزارتەوە بۆ وەبەرهێنان تەرخان کراوە، بۆ ئەو مەبەستە چەندین نوسراوی جیاجیا ئاڕاستەی لایەنە پەیوەندیدارەکان کراون بەمەبەستی لابردنی ئەو زیادەڕۆییانەی کراوەتە سەر ئەو پارچە زەوییە، بەهیچ شێوەیەک دوکان وخانووی هاووڵاتیان نەڕوخێندراوە، بەڵکو شوورای چەند گەراجێکی تایبەت کەوەک کۆگای کەرەستەی پلاستیک بەکاردەهێنرێت لابراون.
ئێمە وەک شارەوانی کەرکوک پابەندین بەتەواوی رێنماییەکان، لەماوەی رابردووشدا لیژنەیەکی هاوبەش کە تایبەتە بەتاپۆکردنی خانووە زیادەڕۆییەکان دەستبەکاربوون بەمەبەستی کەشفکردنی خانووەکان و تا ئێستا کارەکانیان بەردەوامە.
بۆیە بەهیچ شێوەیەک لەگەڵ روخاندنی دوکان وخانووی هاوڵاتیان نین.
