plus4
پێش ساڵێک
دەزگای هەواڵی رۆیتەرس بڵاوی کردەوە رۆژی شەممە ٢٨ ئۆکتۆبەری ٢٠٢٣ پۆلیسی ویلایەتی مەین لە ویلایەتە یەکگرتوەکانی ئەمریکا دۆزینەوەی لاشەی ئەو تاوانبارەی راگەیاند کە تێوەگلا بوو بە ئەنجامدانی کۆمەڵکوژیەک لە شاری لوویستن پاش ئەوەی رۆژی ٢٦ ئەم مانگە بە چەک هێرش دەکاتە سەر هۆڵیکی بلیاردو جێشتخانەیەک لە شارەکە وە لە ئەنجامدا ١٨ کەس دەکوژێت و ١٣ کەسی تر بریندار دەکات کە باری سیانیان زۆر خراپە.
پۆلیس ووتی کە تاوانبارەکە ناوی Robert Card رۆبەرت کاردە تەمەن ٤٠ ساڵەو ئەندامی یەدەگی هێزی ئەمریکایە ، پاش ئەوەی ٤٨ سەعات پۆلیس بە دوای دەگەڕا لاشەکەی دۆزراوەتەوە کە شوێنی گولەی پێوەیە ، ئەمەش ئەوە دەردەخات کە تاوانبارەکە پاش کۆمەڵکوژیەکە خۆی کوشتوە، وە هەروەها توانراوە دەست بە سەر ئەو ئۆتۆمبێل و چەکانە ( دوو چەکی ئۆتۆماتیکی و دەمانچەیەک ) بگیرێت کە تاوانبارەکە بەکاری هێناوە بۆ کۆمەڵکوژیەکە لە جێیەکی دورە دەست کە بەکار دەهێنرێت بۆ کاری ریسایکلین .
