PLUS4
پێش ساڵێک
لەبۆسەیەكدا لەنێو بازگەی دارەمانی نێوان كەركوك - هەولێر، ئەندامانی باندێك دەستگیركران كە بەمەترسیدارترین باند لەسنوری كەركوك - هەرێمی كوردستان دادەنرێن و سەدان ئۆتۆمبێلی دزراویان فرۆشتووە.
بەپێی راگەیاندراوێك كە پۆلیسی كەركوك بڵاویكردووەتەوە، دوای كۆكردنەوەی زانیاری لەبارەی باندێكی دزینی ئۆتۆمبێل و فرۆشتنەوەی لەدەوروبەری كەركوك، هێزێكی هاوبەش لەنەهێشتنی تاوانەكانی كەركوك و هەولێر لەگەڵ هۆبەی بازگەكانی پێكهێنرا و لەبۆسەیەكی تۆكمەدا توانرا ئەندامانی باندەكە دەستگیربكەن كە كاریان دزین و فرۆشتنی ئۆتۆمبێلی دزراو بوو.
پۆلیس باس لەوەشدەكات كە لەساتەوەختی دەستگیركردنیاندا، دەستگیراوە بەسەر جۆرەها چەكدا و دانیان بەوەداناوە كە سەدان ئۆتۆمبێلی دزراویان فرۆشتووە.
لەئێستادا ئەندامانی باندەكە بەمادەەی 442 لەسای سزادانی عێراقی بەندكراون.
