plus4
berî 2 saet
بانکی ناوەندیی عێراق دوا بڕیاری لەبارەی دۆلاری شین و سپییەوە دا
بانکی ناوەندیی عێراق ڕایگەیاند: جیاوازی نییە لەنێوان دۆلاری سپی و شین و هەردووکیان بەهەمان نرخن.
لەوبارەیەوە بانکی ناوەندی عێراق گشتاندنێکی ئاراستەی سەرجەم بانکە ڕێپێدراوەکان و دامەزراوە داراییە ناحکومییەکانی کردو جەختی لەسەر گرنگیی نەهێشتنی دیاردەی جیاکاریی نرخی ئاڵوگۆڕی دۆلاری ئەمریکی لەنێوان چاپە کۆن و نوێیەکاندا کردەوە.
بانکی ناوەندی عێراق دەڵێت: پێویستە سەرجەم بانکەکان پابەندبن بەڕێنماییەکانی مامەڵەکردن و گۆڕینەوەی دراوەکان، بەتایبەت دۆلاری ئەمریکی، بەو شێوەیەی لەپێوەرە پەسەندکراوەکاندا هاتووە، ئەمەش بۆ پاراستنی سەلامەتیی مامەڵە نەقدییەکان و جێگیریی بازاڕ.
لەو ڕاگەیاندراوەدا دەڵێت: بەپێی ڕێنماییەکان هیچ جیاکارییەک لەنێوان چاپە جیاوازەکانی دۆلاری ئەمریکیدا ناکەن.
لەکۆتاییشدا دەڵێت: بانکەکە بەردەوامە لەوەرگرتنی ئەو چاپانەو مامەڵەکردن پێیانەوە لەڕێگەی سەرجەم بانکە ڕێپێدراوەکانەوە، بەو مەرجەی چاپەکان لەچوارچێوەی پێوەرو ڕێسا نێودەوڵەتی و ناوخۆییەکاندا بن.
